طابعة Canon maxify gx6040 في جدة للبيع

السلام عليكم و رحمة الله و بركاته
يوجد طابعة كانون maxify gx6040 للبيع من نوع ميقا تانك استخدام طالب ثانوية و مدة الاستخدام فقط 6 شهور و فيها ضمان سنة كاملة و تقريبا باقي على ضمان 4 شهور و هيا في حالة جدا ممتازة و نظيفة

ميزات الطابعة:
تدعم 3 وظائف طباعة و نسخ و المسح الضوئي و بالنسبة للحبر عبارة عن خزانات قابلة لإعادة التعبئة و هي اقتصادية جدا مناسبة للمكاتب و شركات و الاستخدام المنزلي

بالنسبة للطباعة:
جودة الطباعة 600×1200 نقطة لكل بوصة يعني ممتازة جدا للمستندات

طباعتها سريعة 24 صفحة في الدقيقة للون الاسود و 15 صفحة للون الأبيض و تطبع طباعة وجهين اوتماتك يعني بدون ما تقلب الورقة عشان تطبع في جهة الثانية

بالنسبة للمسح الضوئي:
الماسح الضوئي مسطح و يدعم وحدة تغذية تلقائية ADF بسعة 50 صفحة ممتازة جدا للمستندات الطويلة

بالنسبة للنسخ:
سرعة النسخ مثل سرعة الطباعة 24 صفحة في دقيقة للون الاسود و 15 صفحة في الدقيقة للون الملون ، و النسخ يدعم ميزة تكبير و تصغير من 25-400%

بالنسبة لطريقة الاتصال بالطابعة:
1- عن طريق USB 20
2- عن طريق الوايفاي و وايفاي دايركت:
الفرق بينهم انو الوايفاي هنا تقدر تخلي طابعة تتصل بالراوتر حق البيت او المكتب و فايدتها انو اي شخص متصل براوتر البيت او شبكة البيت يقدر يطبع بالطابعة مو شرط تكون قريب من الطابعة حتى لو كنت في غرفة ثانية دامك متصل بالراوتر نفسه الب متصل فيه الطابعة يمديك تطبع و تقدر تطبع لأكثر من جهاز مو شرط جهاز واحد الي يستقبل الطباعة منه

اما الوايفاي دايركت هذا من الطابعة نفسها تقدر تبث شبكة و تتصل من الجوال على وايفاي الطابعة و تقدر تطبع بذي طريقة

3- عن طريق Ethernet LAN
4- عن طريق برنامج Canon printer و ذي لازم تكون متصل بالطابعة على الوايفاي دايركت الي يجي من طابعة نفسها او حتى من وايفاي الراوتر

الحبر و الانتاجية:
تستخدم احبار صبغية ثباتها عالي و مقاومة للبقع و الماء ، الحبر الاسود لو خزان مليان تقريبا يطبع 6 ألف صفحة لو كان استخدام مكثف و ثقيل زي طباعة صور او رسومات و غيرها و 9 ألف صفحة لو كان استخدام خفيف يعني زي طباعة مستندات و بالنسبة للحبر الملون يطبع 14 الف صفحة لو استخدام مكثف و 21 الف صفحة لو استخدام خفيف

حامل الاوراق فيها يحمل تقريبا 350 ورقة يكون في الحامل 250 ورقة و فيه درج خلفي يحمل 100 ورقة
احبار الصيانة يمديك تستبدلها نوعها
MC-G01

بالنسبة لصيانة دورية للطابعة يكون كل 45 ألف صفحة

الطابعة جدا ممتازة و اقتصادية جدا و فيها شاشة لمس ، اللون الاسود مخلص لكن الملون مازال فيه حبر في الخزانات و سعر علبة الحبر من الشركة ينباع في اكسترا فقط و قيمته تقريبا 200 ريال و الحبر يجلس معك سنين ما يتحرك لانه مو خراطيش زي الطابعات الصغيرة هيا عبارة عن مواصير و تجلس معاك 5 سنين ما يتحرك ولا ينشف زي ما هو موضح في صورة

استخدامها مو زي طابعات الصغيرة العادية يبغالك تتعلم عليها و وزنها شوي ثقيل و حجمها يعتبر كأنك حاط طابعتين صغيرة فوق بعض

الطباعة اشتريتها من الخارج مستوردة و قيمتها 2500 ريال و اغراضها كلها معاها حتى كرتون الطابعة موجود و كرت الضمان سنة كاملة باقي له 4 شهور على الانتهاء ، و يجي معها CD تعريف طابعة لو معاك بي سي اما لابتوب فا تحمل تعريف الطابعة من موقع الألكتروني للشركة

تواصل عن طريق البرنامج او الواتساب و الرقم:0567076992